مدونة فيديو و كومنت

علاج الترامادول 

مش قادر تبطل ترامادول ؟ حاولت كتير و مش عاوز تبطل لازم تبطل الترامادول علشان صحتك و مستقبلك 

ازاى تبطل ترامادول بعيدا عن الطرق العادية

ومجانا مش هتدخل مصحة ما تقلقش و الموضوع سرى و بيحتفظ بالخصوصية 

الحمد لله اننا فى مصر عندنا مستشفى القوات المسحلة و فيها قسم للعلاج و الاقلاع عن الادمان و العلاج هناك مجانى و فريق دكاترة متمكنين 

العلاج افضل وسيلة و الغلط انك تفضل تتعاطى الترامادول ده

مستشفى القوات المسحلة بكورنيش المعادى

هتروح على المستشفى على طول الدكاتره والاخصائيين موجودين يوم الاتنين ويوم الاربعاء من الساعه 11 صباحا لحد الساعه 2 ظهرا 

هتروح هناك و تقولهم عاوز ادخل لخدمة الخط الساخن و المعاملة هناك ممتازه و مش هتدفع ولا مليم كله مجانى و حل مؤكد وهناك فى المستشفى بيتم علاج جميع انواع الادمان مش ادمان الترامادول بس و الاجراءت بسيطة جدا هيعرضوك على احد الدكاتره المتخصصين فى علاج السموم و هيديلك العلاج و كله مجانا طبعا و هيتابع حالتك و ناس بصراحة فى قمة الاحترام و الزوق

واى استفسار انا جاهز و لا تنسونى بالدعاء 

ادمان الترامادول و هل الترامادول بيسبب الادمان ؟

الاجابة على السؤال  ان الترامادول بيسبب الادمان بالفعل زى باقى انواع المخدارات و لكن الترامادول ادمانة نفسى و جسمانى و ده الجانبين للادمان الترامادول و اكيد يمكن معالجة الترامادول ولكنه السهل الممتنع ولكن انا هوصف ليكم ازاى يتم الاقلاع عنه

اولا الاقتناع التام و الرغبة فى التخلص من هذا السم اللعين هو اول خطوات الاقلاع عنه

يعنى لازم يكون عندك الرغبه بنسبه 100 فى 100 انك هتبطل الترامادول ده و الاهم الرغبه فى انك عمرك ما هترجع تانى مهما كانت الظروف و هنلاقى موضوع فى المدونه انا كاتب كورس علاجى ممتاز و فعال ان شاء الله مع جميع الحالات من اصغرها للاكبرها

الترمادول يسبب التعود النفسى

لانك للاسف بتربط نفسك بأحداث و حاجات لازم تعملها وانت واخد ترامادول و الموضوع سيكولوجى جدا و لكن يمكن معالجة بأذن الله

الترامادول يسبب الادمان الجسدى

طبعا اكيد وانا اؤكد كلامى و اكبر دليل على كده اعراض الانسحاب الى بتجى لاى حد بيبطل ترامادول طبعا فيه ناس هتقولك انا فضلت فترة اخده و كده و سبته بسهولة ما تصدقش الكلام ده لان ممكن يكون الى بيقولك كده مبتدىء و فى مرحلة غيرك او انت اقل منه بتختلف من شخص لاخر ممكن ناس و هيا بتبطل الترامادول بيجلها حالات تشنج و اغماء و كهرباء فى المخ وممكن غيرك ما يجيش ليه اى اعراض تشنجات او كده لكن فيه اعراض متفق عليها بتيجى للناس كلها الى بتدمن الترامادول و لكن بنسب متوافته تختلف من شخص لاخر و حسب الجرعات المستخدمة و مده استخدام عقار الترامادول

مده اعراض انسحاب الترامادول ؟

فى الاغلب بتكون من بين 4 ايام الى 6 ايام الاعراض القوية ولكن بعد كده بتفضل فيه اعراض انسحاب حتى لو مش قوية بتختفى مع الوقت طبعا و اؤكد لك انك بعد اسبوع او اسبوعين بالكتير ان شاء الله هتبقى بنى ادم جديد و هتحس انك فعلا كنت فى غيبوبة تامة و هتلاقى نشاطك زاد و مزاجك بقى احسن حتى لو كان فيه تعب شويه نتيجة التعاطى هتكون احسن مليون مرة من زمان و انت الى هتحكم اكيد

انا هنا طبعا بتكلم بالصورة المبسطة ولكن الموضوع علميا و طبيا اكبر من كده من حيث اختلاف كمياء المخ و الجهاز العصبى والمركزى الخ ... ولكن فى مدونة الترامادول هنا نبسط الصورة فقط قم بمتابعتنا وقرأة اخر المواضيع و باقى المواضيع حتى تتعرف على كل شىء عن الترامادول و كيفيه الاقلاع عنه

كتير اوى بيسألوا ايه الفرق بين التامول و الترامادول و التيدول و الالترادول و الكنترمال و الترامنديل ...... الخ

الفرق بقى هو ان كل دى اسماء تجارية مش اكتر انما المادة الفعالة هى هى مجودة فى كل الانواع

اسم المادة الفعالة : ترامادول هيدرو كلوريد

tramadol HCL

مفهوم خاطىء عند البعض يقولك جرب النوع ده اقوى من النوع التانى و كده و يصبح المتعاطى حقل تجارب لجميع الانواع 

و من ضمن المفاهيم الخاطئة برضه يقولك الترامادول بكل مشتقاته و الناس تفتكر ان التامول و التى تدول و الانواع دى مشتقات و تأثيرها مختلف طبعا الكلام ده لا اساس له من الصحة و معلومة خطأ

اشكال الترمادول و الاسماء المشهورة بين الناس الى بتتعطاه

الابيض : التامول و بيكون اى تركيز سواء 200 او 225 و اكس و اتنين اكس و الكلام التجارى ده

الاحمر او الفراولة : الترامادول العادى الى بتركيز 200 و سموه فراولة علشان الحباية اصغر من التامول و لونها احمر لون الفراولة 

التفاح : الى هوا ترمادول برده بس بتركيز اعلى 225 و الحباية صغيرة و فى نفس الوقت لونها احمر

التى دول : لون الحباية احمر ساعات تبقى غامقة و ساعات تبقى فاتحه زى ما اتكلمنا قبل كده ان الادوية دى متصنعه فى ورش و بير سلم و غير مطابقة للمواصفات و طبعا تاريخ الصلاحية الى مكتوب على العلبة او الشريط ده وهمى لان الشريط اصلا معمول مش من شركة ادوية ولا حتى الترمادول نفسه و طبعا كله بياخد و هوا مش عارف متصنع من ايه و كمية السموم

مصطلحات الترمادول

مترمل : يعنى الشخص الى قدامك ضارب ترامادول بدل ما يقولك مبرشم و كده و تختلف من مكان لمكان

فرده : المقصود بيها حباية واحدة

علبة : العلبة دى بيبقى فيها عشر شرايط و كل شريط 10 حبايات يعنى بمجموع 100 حباية

باكيت : ده باكيت كبير بيحتوى على 10 علب و كل علبه 10 شرايط و كل شريط 10 حبايات

الاسعار المتداولة لهذا السم فى السوق

المفروض ان الترمادول لو من الصيدلة و من شركات الادوية المصرية تمنه لا يتعدى 4 جنيه و ساعات 10 طبعا حسب تسعيرة كل دواء ولكن الترمادول الى بيجى من الصين و الهند والمناطق دى بيبقى اسعارة مختلفه على حسب الفرز 

يعنى ايه فرز الترمادول ؟ 

طبعا كلنا عارفين ان الترمادول الى بيجى من الصين او الهند بيبقى اشكال مختلف و انواع مختلفه و مسميات مخلتفة طبعا كل ده شغل تهريب و تسويق للمخدر بين اوساط المجتمع اكيد تسمع ان الصين بتصنع منتجات لمصر و بتبقى ليها جودة معينة يعنى فى مصر لو نفترض انك هتجيب اى سلعة بيجبلك الفرز الى سعره يناسب للمستهلك يعنى نفس المنتج بس الجودة اقل طبعا تخيل انت لو جبت مثلا موبايل و طبعا هتبقى خايف يطلع فرز وحش و الموبايل ما يعش معاك و كده و ناسى ان الترمادول ده اصلا بأعلى فرز ليه بيحتوى على سموم و مش عارف متصنع من ايه اصلا على العموم فيه تقريبا اكتر من خمس فرز و الفرق بين الفرزات شكل الشريط من بره و التغليف لو مغلف و احتمال اللون الى بيبقى على الحباية و قوة الحباية يعنى لما تيجى تكسرها تلاقيها بتتكسر معاك بصعوبة غير الى بتبقى فرز رخيص بتبقى بتتكسر و بتتفرفت معاك بسرعة طبعا سعر الشريط بالنسبه للى هيشترى كمية غير الى بيشترى بالشريط غير الى بيشترى بالحباية بتختلف طبعا

لو هتشترى بالشريط بتراوح سعره ما بين 15 الى 30 جنيه و طبعا بيختلف من تاجر الى الاخر وممكن يوصل سعره ل 50 جنيه كمان

السعر المعترف بيه للحباية الواحدة فرط بيبقى ب 5 جنيه 

فى نهاية الموضوع ده كان توضيح بس للناس الى حبت تعرف الفرق بين المسمايت التجارية او الاسماء الى بتبقى موجوده فى السوق علشان للاسف فيه ناس مفكرة ان اختلاف الاسم تأثير اخر و اى استفسار انا موجود فى المدونة و اكتب تعليقك هنا و هيتم الرد عليه فى مدونة الترامادول
 

بسم الله الرحمن الرحيم

هنتكلم عن اضرار الترامادول ناس كتيرة بتسأل عن اضرار الترامادول و التأثيرات و المشاكل الى بتحصل فى الجسم نتيجة تناول عقار الترمادول

فى البداية احب اوضح شىء مهم الترمادول زى اى دواء فى الدنيا ليه اثار جانبية ولكن اثار الترمادول الجانبيه قوية 

يعنى ايه اثار جانبية و ايه الفرق بين الاثار الجانبية عن المدى القريب او البعيد او المشاكل الى بيسببها تناول الترامادول

الاثار الجانبيه يعنى لما تاخد الدواء ممكن يحصلك ايه من مضاعفات ؟

الكلام ده كله بيحصل فعلا مع الاستخدام الى بيستخدم ترمادول او الى ادمن الترمادول بيحصله الكلام ده كله

مع الوقت الجرعات بيتزيد بدل ما هيا حبابية بتبقى 3 او 4 او 6 او 10 او حتى 15 لان مع الوقت الجسم ما بيتأثرش فيه الترمادول ولازم الجرعة تزيد علشان توصل للدماغ او التأثير المطلوب

و مع الوقت بيحصل مشاكل الناس مش واخده بالها منها ان الكبد بيحصله مشاكل و الكلى و الجهاز التنفسى علشان الى بياخد ترمادول بيشرب سجاير كتيرة جدا اكتر من المعدل الطبيعى لان المتعاطى مش بيحس بصدره بدل ما هوا بيحرق علبه ممكن يحرق علبتين او اكتر على حسب و طبعا لازم الشاىء و ما ادراك ما الشاى علشان الدماغ تعلى و الشاي طبعا ليه اضرارة مع الترمادول

الترمادول بيعمل قرحة للمعدة يعنى بيخرم المعدة سواء كان بيضرب على بطن فاضين او حتى اكل قبلها و طبعا معظم المتعاطين للترمادول على بطن فاضية الصبح او فى اى وقت علشان يشتغل بسرعة و يبقى تأثيرة قوى

انت ممكن ما تحسش بالحاجت دى علشان انت متخدر بس الكلام ده كله بيحصل و انت مش دارى للاسف

الترمادول بيعمل امساك قوى جدا ممكن تفضل كذا يوم او حتى اسبوع بدون ما تقرب من الحمام نتيجة تناول الشاى لان الشاى بيعمل امساك و كمان السجاير ده غير الترمادول ذات نفسه بيعمل امساك قوى جدا وممكن من كتر الامساك يعملك بواسير و مشاكل فى الشرج لو جالك بواسير نتيجة لكده احب اقولك اطمن هتتعالج منها و عندى العلاج السحرى ليها و هوا مرهم هيموران من الصيدلية و هو رخيص و اقوى حاجه للحالة دى عن تجربة انا مريت بيها 

بيحصلك طبعا مشاكل نفسه بمعنى انك ساعات بتبقى زهقان و ساعات بتبقى فرحان و ساعات عندك اكتأب و احساس بالذنب لانك بتاخد ترمادول و الترامادول بيأثر على النفسية و الاجهزة الى بتتحكم فى المزاج فى المخ الموضوع ده موضوع طويل وانا هنا بشرح لعامة الناس لكن لو فيه حد عاوز استفسار طبى يتفضل يكتب تعليقة وانا هرد عليه كدكتور دارس فى الموضوع ده و قبل ما اكون دكتور انا مدمن متعافى من الترامادول و مريت بالتجربة دى و لدرجة ان خلصت دراسات عن العقار ده بالذات و عامل المدونة دى مخصوص علشان افيد كل الناس و اساعد كل واحد انه يبطل الترمادول بأذن الله بدون اى عواقب و مشكلات نرجع للموضوع

الترمادول ليه اضرار لا حصر لها والله العظيم واقسم بالله ان الكلام ده حقيقى والناس الى مش حاسه انهارده هتحس بكرة او قريب و افتكرو العبارة دى بجد 

اضرار تانية للترامادول بينقص الوزن بصورة فظيعة علشان طبعا الى بياخد ترامادول مش بيجوع الا قليل حتى لو جاع و اكل الجسم مش بيستفيد من الاكل طبعا قلة الاقل احنا عارفين اضرارها من انيما الى فقر دم الى هزيان الى امساك الى الشعر بيوقع و الجلد بيتأثر الى اخره 

مشكلة تانية حبيت اتكلم فيها لو واحد بيأخد ترامادول نصيحة اياك او انك تشرب معاه اى نوع من الكحوليات لان بيحصل فى الحالة دى تسمم نتيجة تفاعلات جوا الجسم 

انا مهما اتكلم عن اضرار الترمادول سواء على الاجهزة بتاعت الجسم او الجهاز العصبى المركزى او الكهربا افى المخ الى اخره مش هنتهى و هيتحول الموضوع من مبسط الى موضوع طبى معقد

اخر نصيحة فى الموضوع ده تابع مواضيع المدونة و اقرأ كل حاجه وكل صفحة فيها علشان المعلومات مش فى موضوع واحد بس ده فى كل حته فى المدونة و ما تقلقش لازم تقرأ كويس عن الترمادول لو عاوز تبطلة و فى مدونة الترمادول هتلاقى الكورس العلاجى للاقلاع عن الترامادول تابعنا حتى لو لسه بتضرب لانك هتبطل الترمادول عاجلا ام اجلا
 

بسم الله الرحمن الرحيم

مرحبا بكم فى اول موقع عربي يتحدث عن كل شىء فى عقار الترامادول بالتفصيل و اضرار هذا العقار بالصحة و ادمان هذا العقار و كيفية تخطى الادمان و الوصول لمرحلة الاقلاع النهائى عن الترامادول ففى مدونة الترامادول تجد كل شىء عن هذا العقار و تجارب من اخذ الترامادول و ادمنه و كيف اقلع عنه هنا بداية الطريق للاقلاع عن الترامادول و التخلص من ادمان الترامادول

فى البداية ما هوا الترامادول ؟

ببساطة شديدة جدا سوف نتحدث عن الترامادول بصورة يفهمها الجميع 

الترامادول : مسكن قوى جدا للام المتوسطة و الشديدة ولكنه ليس مثل باقى المسكنات لانه يعمل على منطقة و وظيفة فى الجسم و هى الجهاز العصبى المركزى لتخفيف الام ليس مثل باقى المسكنات المعروفة التى تعمل على منطفة اخرى و هى لا تسبب الادمان او الاعتياد النفسى و الجسمانى مثل الترامادول

من اين يأتى عقار الترامادول ؟

عقار الترامادول مشتق من المورفين و المورفين معروف للجميع فأنه مسكن قوى جدا اقوى من الترامادول لتخفيف الام و قبل عمليات الجراحة و المورفين مشتق من الافيون و الافيون نبات طبيعى يستخرج منه العديد من المواد المخدرة التى تسكن الالم عن طريق الجهاز العصبى المركزى ولكن الترامادول يسكن الام و يعتبر مشتق ضعيف للمورفين

اسباب استخدام الترامادول ؟

الترامادول يستخدم لتخفيف الام القوية و المتوسطة الشدة و يوصف بوصفة من الطبيب المعالج ولا يجوز استعمالة دون وصفة طبية من الطبيب لان حبوب الترامادول لديها العديد من الاضرار و بتسبب الادمان الجسدى و النفسى و الاعتياد لان مع الوقت تصبح الجرعة غير فعالة و المريض لابد ان يزود الجرعة مثال : لو المريض ابتدى ب حباية او نصف حباية من اى تركيز سواء كان ترامادول 100 او ترامادول 200 او ترامادول 225 اى تركيز مع الوقت الجسم بيحتاج انه ياخد جرعة اكبر من الترامادول علشان يسكن الالم و الترامادول بيوصف لناس معين مش اى حد و مش اى حد عنده وجع ياخد ترامادول لان فيه ادوية تانيه كتير جدا ممكن تسكن الالم بدون ما تسبب المشاكل الى بيسببها الترامادول و الترامادول بيوصف للناس الى عندها الكاسنر مرض السرطان حفظنا الله و الالم الروماتزمية الحادة ولكن بتبقى بجرعات معينة بيكتبها الدكتور الى بيعالج الحالة و هو بيبقى مسؤل عن العلاج ده 

  هل الترامادول دواء صعب الحصول عليه ؟

المفروض الاجابة بنعم لان الدواء يعتبر مخدر و مافيش صيدلية هتبيع دواء بخطورة الترامادول الا ما يكون الدكتور واصف ليك الدواء ده و معاك روشته علشان الصيدلى يصرف ليك الترامادول ولكن للاسف الشديد الترامادول تحول من دواء و علاج الى مخدر علشان الى بياخد ترمادول و هوا انسان طبيعى بيعمل معاه دماغ بالبلدى كده طبعا لا هيا دماغ ولا حاجه احساس كاذب فى البداية علشان جسمك لسه متعودش طيب ازاى الترمادول بقى سهل الحصول عليه ؟

ظهر فى مصر و فى البلاد العربيه ظاهرة اسمها الترامادول الصينى او الترامادول الهندى 

يعنى ايه الكلام ده ؟ 

ده ترامادول متهرب من بره و جاى علشان يضيع الناس كان فى الاول الى كان عاوز ترمادول كان بيروح الصيديلة علشان يجيبه و طبعا فيه صيدليات محترم ما بتخرجش الدواء الا بالروشته و بوصفة الطبيب و للاسف فيه صيدليات بتخرج الدواء بدون روشته 

فى الاول كان الترامادول المصرى بتاع شركات الادوية المصرية الى بيتصنع فى مصر طبعا ده ترمادول تحت معاير الجودة و المراقبة و لان بتنتجه شركات الادوية المصرية الى عليها رقابة و معروف مصدرة و استحالة يكون فيه خطأ او سموم و بيكون فى الصيدلية بتركيزات قليلة زى تركيز 50 او 100 او 150 اقصى تركيز للترامادول ولكن فى الفترة الاخير ظهر الترامادول المتهرب الى جاى من الصين و الهند

الترامادول الصينى 

ده ترامادول مجهول الهوية مش متصنع فى شركات ادوية سواء فى مصر او فى اى حته فى العالم

بمعنى مش متراقب عليه و مش مطبق بيه معاير الجودة و الاستعمال و بيحتوى على كمية سموم و مش عارفين متصنع من اى بالظبط و المادة الفعالة الى فيه عاملة ازاى و ايه مصدرها ولكن هيا ترامادول هيدروكلوريد و ده اسم المادة الفعالة فى الدواء ولكن مصنع فين و تحت اشراف ايه و ايه مخلوط عليه ممكن بيخلطوا عليه ادوية تانية و مخدرات تانيه مش عارفين ولا حد فى مصر كلها يعرف هما بيعملوه من ايه و طبعا سعره رخيص او غالى حسب الى بيبع و بيتراوح سعر الشريط الى فيه 10 حبيات من 15 الى 30 جنيه و يمكن اغلى علشان الى بيبعه بيبقى تاجر مخدرات او صيدلى فاتح الصيدلية بتاعته متجر للمخدرات و ممكن يوصل سعر الشريط ل 50 جنيه او الحباية ب 5 جنيه

الترامادول الصينى ليه مليون شكل و مليون اسم و تركيزات مختلفة لكن فى النهايه كله واحد نفس الخلطة و نفس المادة الفعالة و نفس كل حاجه من اختلاف الشكل و المسميات مش اكتر

اشهر الاسماء للترمادول الصينى :

ترامادول

ترامادول 200

ترامادول 225

ترامادول اكس

تامول 200

تامول 200 اكس

تامول 200 X

تامول 200 -XX

تيدول 200

تيدول 225

الفراولة الى هيا ترمادول 200

التفاح الى هيا ترمادول 225

كوبرادول

اسمائهم بالانجليزى

tramadol 200

tramadol 225

tamol 200

tamol x 200

tamol 200 xx

tamol x 225

tedoll 225

tedoll 200

الاسماء لا حصر لها و التركيزات بتتراوح من 100 ل 225 وطبعا التركيز ده لعبه قذرة المفروض الدواء اقصى تركيز ليه 150 فى الصيدلية لا الصين منزله تركيزات عاليه علشان تسبب الادمان السريع مش اكتر لان الى ادمن الترامادول بيحتاج مع الوقت جرعات كبيرة علشان يفضل سليم من غير اعراض انسحاب و هنذكر يعنى ايه اعراض انسحاب و كل حاجه علشان الناس تعرف كل حاجه عن الترمادول و كيفية الاقلاع عن الترمادول

الترمادول الهندى :

هوا هوا الصينى نفس الموضوع ولكن الاختلاف بس بيكون شكل الشريط من بره انضف و احدث من الترمادول الصينى و الترمادول الهندى = الترمادول الصينى الفرق فى الاسماء و يمكن الاسماء واحد بس الفرق فى مصدر الترمادول جاى من الصين او من الهند او من بير السلم

ترمادول بير السلم :

يعنى ايه ترمادول بير السلم ؟

عموما هوا كل الترمادول بيصنع فى ورش و اماكن مشبوه و ممكن كمان يتصنع فى البيت بس بيحتاج طبعا لحجات معينة و امكانيات فى فى مصر ناس بتعمل الترمادول ده زى اى مخدرات ممكن تتصنع فى اى مكان بيشترو المادة الفعالة من الصين او الهند بكميات كبيرة و بيتعمل اى كلام و بيطبعوا شكل الشريط و بيتوزع فى السوق على اساس انه جاى من اى حته سواء الهند او الصين

فى النهاية كله ترمادول مغشوش و معمول و هدفه مخدرات و ليس علاج بالمرة تابع باقى المواضيع علشان تعرف كل حاجه عن الترامادول فى مدونة الترمادول